3 nömrəli Uşaq İncəsənət Məktəbinin növbəti uğuru....

Bakı şəhər Mədəniyyət və Turizm Baş İdarəsinin 3 nömrəli Uşaq İncəsənət Məktəbinin növbəti uğuru; rəsm ixtisası üzrə II sinif  şagirdi Abbaszadə Nərminə "Yurdumuza bahar gəlir" Respublika uşaq rəsm müsabiqəsinin diplomuna layiq görülmüşdür.

 

19-da Novruz bayramına həsr olunmuş sərgi keçirildi.

Bakı Şəhər Məgəniyyət və Turizm Baş İdarəsinin 3 nomrəli Uşaq İncəsənət məktəbində mart ayının 19-da  Novruz bayramına həsr olunmuş sərgi keçirildi.

Sərgidə rəsm ixtisası üzrə təhsil alan şagirdlərin rəsm və əl işləri nümayiş edildi.

 

 

6 mart tarixində "8 Mart Beynəlxalq qadınlar günü" ilə əlaqədar tədbir keçirildi.

Bakı şəhər Mədəniyyət və Turizm  Baş İdarəsinin 3 nömrəli Uşaq İncəsənət Məktəbində  6 mart tarixində   "8 Mart Beynəlxalq qadınlar günü"  ilə əlaqədar tədbir keçirildi.

 

Nəzəriyyə müəllimi L. Süleymanova birinci sinif şagirdlərinin iştirakı ilə  səhnəciklər nümayiş etdirdikdən sonra  bütün ixtisaslar üzrə birincilərin solo çıxışları oldu.

Bu konsertin nənə və analara bayram günündə ən böyük hədiyyə olduğu da valideynlər  tərəfindən qeyd edildi.

 

"8 Mart Beynəlxalq Qadınlar Günü"nə həsr olunmuş tədbir keçirildi.

Bakı şəhər Mədəniyyət və Turizm Baş İdarəsinin 3 nömrəli Uşaq İncəsənət Məktəbində  5 mart tarixində  "8 Mart Beynəlxalq Qadınlar Günü"nə  həsr  olunmuş tədbir keçirildi.

 

Tədbirdə  Opera va Balet teatrının solisti M. Dəmirov solo ifaları ilə məktəbin xanımlarını  təbrik etdi.

 

Əməkdaşlıq etdiyimiz Qobustan şəhər Təklə kənd  musiqi məktəbinin direktoru və müəllim heyəti təcrübə  məqsədi ilə məktəbimizə gəlməklərinə baxmayaraq, onlar da  keçirilən tədbirdə iştirak etdilər.

 

Məktəbin direktoru Gülağa Cəbrayılov öz şer  töhvələri ilə tədbirə rəng qatdı. Sonda xatirə şəkilləri çəkildi

 

 

"Kamança simli musiqi alətinin hazırlanması və ifaçılıq sənəti" adlı tədbir keçirilmişdir

Bakı Şəhər Mədəniyyət və Turizm Baş İdarəsinin 3 nömrəli Uşaq İncəsənət Məktəbində  3 mart  tarixində  "Kamança simli musiqi alətinin hazırlanması və ifaçılıq sənəti"   YUNESKO-nun  Qeyri-maddi mədəni irs üzrə Reprezentativ siyahısına  Azərbaycan və İran mədəniyyət nümunəsi kimi daxil edilməsilə əlaqədar tədbir keçirilmişdir.

 

Tədbirdə Bakı Musiqi və incəsənət məktəblərinin kamança müəllimləri iştirak etmişlər. Tədbirdə kamança müəllimləri "Tərəqqi medallı" Təranə Babayeva, Züleyxa İsmayılovanın şagirdləri musiqi nömrələri ilə çıxış etdilər və bu çıxışlar ətrafında  çox maraqlı diskussiya aparıldı.

 

Əminliklə deyə bilərik ki, kamança müəllimləri bu tədbirdən bəhrələnib, təcrübələrini bir az da artırmış  oldular. Tədbirdə qonaq kimi Milli Konservatoriyanın  dosenti, Əməkdar artist  Elşən Mansurov iştirak edirdi.