Tanınmış pedaqoq Tofiq Bədirxanovun ustad dərsi keçirildi.

22 fevral tarixində məktəbimizdə  musiqi və incəsənət məktəblərinin Direktorlar Şurasının tədbiri, tanınmış pedaqoq Tofiq Bədirxanovun ustad dərsi keçirildi. Tədbirin keçirilməsi 3 və 4 nömrəli incəsənət məktəblərinin direktorları Dəyanət müəllim və Səadət xanıma həvalə edilmişdi. Suraxanı, Sabunçu, Xəzər və Pirallahı rayon musiqi məktəblərinin fortepiano müəllimlərinin iştirakı ilə keçən tədbir çox maraqla dinlənildi və belə dərslərin tez-tez keçirilməsi müəllimlər tərəfindən xahiş edildi. Sonda Direktorlar Şurasının üzvləri Tofiq Bədirxanova və müəllimlərə öz təşəkkürlərini bildirdilər.

Hüseynağa Hacıbababəyov və Rübabə Muradovanın yubileyləri qeyd olundu.

18 fevral tarixində 3 nömrəli Uşaq İncəsənət Məktəbində xanəndə sinfinin şagirdlərinin iştirakı ilə Hüseynağa Hacıbababəyov və Rübabə Muradovanın yubileyləri qeyd olundu, o cümlədən 75 yaşı tamam olmuş böyük ustad, Xalq artisti Arif Babayevin yaradıcılığından danışdı. Dəmirov Mütəllim müəllimin şagirdləri Azərbaycan operalarından fraqmentlərlə çıxış etdilər. Şagirdləri tarda müşayət edən Esmira müəllimə bu tədbirin ərsəyə gəlməsində yaxından iştirak etmişdir.

Görkəmli oftalmoloq-alim Zərifə xanım Əliyevanın anadan olmasının 90 illik yubileyinə həsr olunmuş konsert keçirildi.

07 fevral tarixində məktəbimizdə Görkəmli oftalmoloq-alim Zərifə xanım Əliyevanın anadan olmasının 90 illik yubileyinə həsr olunmuş konsert keçirildi. Konsertdə məktəbin direktoru Dəyanət müəllim tərəfindən dəvət edilmiş Bakı Musiqi Akademiyasının dosenti, Əməkdar müəllim Qarayusifli Yaşar özünün Prezident təqaüdçüləri olan tələbələrilə iştirak etdi. Konsertdə Rəsulov Sabir, Tağıyev Tural, Rəsulov İsrafil, Novruzbəyli Səddamın təkrarolunmaz ifalarını sənətşunaslıq üzrə elmlər namizədi Əliyeva Lalə xanım müşayət etdi. Məktəbimizin nəzəriyyə müəllimi Salamova Təranə Azərbaycan Respublikasının əməkdar elm xadimi, tibb elmləri doktoru, Azərbaycan Milli Elmlər Akademiyasının Akademiki Zərifə xanım Əliyevanın həyatı, tibbi və elmi yaradıcılığı haqqında tamaşaçılara ətraflı məlumat verdı. Konsertə qonaq kimi "Zorakılıq və cinayətin qurbanı olan uşaq və gənclər üçün psixo-sosial reabilitasiya mərkəzi"ndən də uşaq və müəllimlər dəvət olunmuşdular.

“Vətən uğrunda ölən varsa...” adlı ədəbi-bədii gecə keçirildi.

Yanvarın 18-də 3 saylı uşaq incəsənət məktəbində “Vətən uğrunda ölən varsa...” adlı ədəbi-bədii gecə keçirildi. Gecə “20 Yanvar” faciəsinin 23-cü ildönümünə həsr edilmişdi. Gecədə məktəbin müəllimesi Vəliyeva Esmira xanım şagirdlərə o günün video görüntülərini göstərib,şəhidliyin yüksək adından, onların vətən üçün nələr etdiklərindən danışdı. Şagirdlər isə şeir və həzn musiqi ilə şəhidləri yad etdilər.