"Musiqi və rənglər" adlı tədbir keçirildi.

Oktyabr ayının 26-da 3 saylı Uşaq İncəsənət məktəbinin akt zalında "Musiqi və rənglər" adlı tədbir keçirildi. Nəzəriyyə müəlliməsi Cavadzadə Rəna musiqi ilə rənglərin vəhdətindən, bəstəkarların bu mövzuda yazdıqları əsərlərdən danışdı. Bütün tədbir boyu rəsm sinifinin şagirdləri məruzəçiyə qulaq asaraq eşitdiklərini çəkib, sonra tamaşaçılara nümayiş etdirdilər.
Müəllimənin öz məruzəsində kompyuterdən, internetdən əyani vəsait kimi istifadə etməsi də çox maraqlı idi.

"Xoş gördük müəllimlərimiz" adlı tədbir keçirildi.

Məktəbin akt zalında "Xoş gördük müəllimlərimiz" adlı tədbir keçirildi. Məktəbin direktoru müəllimləri təbrik edib, onlara yeni dərs ilində uğurlar arzuladı. Çıxış edən müəllimlər hamılıqla prezident İlham Əliyevə maaşlarında və tarif dərəcələrində edilmiş artıma görə təşəkkürlərini bildirdilər. Çıxışlardan sonra müəllimlərini təbrik etmək üçün məktəbin məzunları konsert proqramı ilə çıxış etdilər.