"Dünya Azərbaycanlıların həmrəylik günü"nə və Yeni ilə həsr olunmuş konsert keçirildi.

Dekabr ayının 28-də 3 saylı Uşaq İncəsənət Məktəbində Konsertdə məktəbin əlaçı şagirdləri rəngarəng musigi nömrələrilə çıxış etdilər. Məktəbin direktoru Dəyanət müəllim ilin ən fəal müəllimi kimi Vəliyeva Esmira və Salamova Təranəyə Fəxri fərmanla təltif etdi. Maddi cəhətdən çətinlikləri olan 20 şagirdə Yeni il şənliyinə bilet təqdim etdi.

"Tərəqqi" medalı ilə mükafatlandırılmış kamança müəllimi Təranə Babayevanın açıq dərsi keçirildı.

Dekabr ayının 20-də musiqi və incəsənət məktəblərinin direktorlar şurasının tədbiri olaraq 3 nömrəli Uşaq İncəsənət Məktəbində dəfələrlə müsabiqələrdə uğur qazanmış şagirdlər yetişdirən, "tərəqqi" medalı ilə mükafatlandırılmış kamança müəllimi Təranə Babayevanın açıq dərsi keçirildı. Bakı musiqi məktəblərinin kamança müəllimlərinin iştirakı ilə bu dərsdə Təranə Babayevanın yeni fikir və tapıntıların maraqlı müzakirəsi keçirildi. Tədbirdə direktorlar şurasının üzvləri Səadət xanım Eminova,. Eldar Bağırov, Dəyanət Quliyev, 10 nömrəli UMM-nin direktoru Qafar Nuriyev də iştirak edirdi.

Xalq artisti, tarzən Zamiq Əliyevlə görüş keçirildi.

17 dekabr tarixində 3 nömrəli Uşaq İncəsənət məktəbində Xalq artisti, tarzən Zamiq Əliyevlə görüş keçirildi. Görüşdə Zamiq Əliyevlə aparılan müsahibə onun yaradıcılığı qastrol səfərləri, pedaqoji fəaliyyətini əhatə etdi. Məktəbin şagirdləri konsert proqramı ilə çıxış etdilər. Xanəndə sinifinin şagirdləri Zamiq Əliyevin müəllifi olduğu mahnıları ifa etdilər.