2016-cı il 5 - 8 yanvar tarixlərində Çexiya Respublikasının paytaxtı Praqa şəhərində IV Beynəlxalq İncəsənət Festival müsabiqəsi keçirilmişdir.
Müsabiqənin təşkilatçıları arasında İsveç Gənclər Musiqi Assosiyasiyası, Xalq İncəsənətinin Beynəlxalq təşkilatı və s. başqa təşkilatlar var idi.
Müsabiqədə iştirak edən ölkələr arasında İsveç, Çexiya, Ukrayna, Gürcüstan, Azərbaycan və Rusiyanın Moskva, Sankt-Peterburq və Rostov şəhərlərindən 3 yaş qrupu üzrə musiqiçilər çıxış edirdi.
Bu müsabiqədə məktəbimizin fortepiano ixtisası üzrə VI sinif şagirdi Cavadzadə Şəkərxanım öz yaş qrupunda 13 iştirakçı arasında QRAN -PRİ mükafatına layiq görülmüşdür.
Bundan başqa məktəbimizin məzunu olmuş, hal-hazırda Bakı Musiqi Akademiyasının IV kurs tələbəsi Cəfərli Nilufər də öz yaş qrupunda fərqli çıxışı ilə QRAN - PRİ mükafatı qazanmışdır.
Müsabiqədən sonra Çexiya Respublikasındakı Azərbaycan Səfirliyi Azərbaycanlı iştirakçıları qazandıqları uğurlara görə təbrik etmiş və səfirliyə konsert proqramı ilə çıxış etməyə dəvət etmişlər.
