26 fevral tarixində "Xocalı faciəsi"nin 26-cı ildönümünə həsr olunmuş tədbir keçirildi.

Bakı Şəhər Mədəniyyət və Turizm Baş İdarəsinin 3 nömrəli Uşaq İncəsənət Məktəbində 26 fevral tarixində "Xocalı faciəsi"nin 26-cı ildönümünə həsr olunmuş tədbir keçirildi.

 

Tədbir rəsm şöbəsi şagirdlərinin bu qanlı faciəyə həsr etdikləri şəkillərdən  ibarət sərginin açılışı ilə başladı. Faciə qurbanları          1 dəqiqəlik sükutla yad edildi.

 

Tədris işləri üzrə direktor müavini Elvina Əhmədova tarixə silinməz gün kimi düşən, qan yaddaşımız olan "Xocalı faciəsi"  haqqında  çıxış etdi. O qeyd  etdi ki, Xocalı soyqırımı bütövlükdə Azərbaycan xalqına qarşı yönəldilmiş ağlasığmaz  qəddarlıq və qeyri-insani cəza üsulları ilə bəşər tarixində bir vəhşilik aktıdır.  

Daha sonra əsrin faciəsi olan Xocalı soyqırımına həsr olunmuş film nümayiş olundu.

 

Qara Qarayevin 100 illik yubileyine həsr olunmuş konsert keçirildi.

Bakı Şəhər Mədəniyyət və Turizm Baş İdarəsinin 3 nömrəli Uşaq İncəsənət  Məktəbində 17 fevral tarixində dünya şöhrətli bəstəkar Qara Qarayevin        100 illik  yubileyinə həsr olunmuş  konsert keçirildi.

Konsertin aparıcısı nəzəriyyə müəllimi Cavadzadə Rəna  dahi  bəstəkarın həyat və yaradıcılığı haqda çıxışını video ğörüntülərlə birləşdirməsi cox maraqla qarşılandı.

Sonra məktəbin xor kollektivi  "Xoşbəxtlik kantatasından" musiqi nömrəsi və "Xəzər neftçilərinin Gənclik mahnısını"  ifa etdilər.

Xanəndə sinifinin şagirdlərinin ifasında "Sülh haqqında mahnı" və "Bir məhəlləli iki oğlan"  filmindən mahnı səsləndi.

Fortepiano sinifinin şagirdləri isə "Vals", "Fırfıra" , "Eskiz" , "Unudulmuş vals" ,2,5,6,7  və 24-cü prelüdləri ifa etdilər.

Gənclər gününə həsr olunmuş tədbir keçirildi

Bakı şəhər Mədəniyyət və Turizm Baş İdarəsinin 3 nömrəli Uşaq  İncəsənət Məktəbində 02 fevral tarixində  Gənclər gününə həsr olunmuş tədbir keçirildi.

Tədbirin aparıcısı S.İsmayılzadə 2 fevralın Gənclər günü kimi elan olunması haqqında ətraflı danışdı. O qeyd etdi ki, bu qərar  məhz Ulu Öndər Heydər Əliyevin adı ilə bağlıdır.

Məhz o dahi şəxsiyyət Azərbaycanda dövlət gənclər siyasətinin əsasını qoydu. Daha sonra məktəbin bütün şöbələri üzrə hazırlanmış konsert proqramı təqdim olundu.