18 oktyabr Azərbaycan Dövlət Müstəqilliyi Günüdür.

Müstəqillik Günü ilə əlaqədar Bakı şəhər Mədəniyyət Baş İdarəsinin şəbəkəsinə daxil olan  3 nömrəli Uşaq İncəsənət Məktəbində "Azad Azərbaycan"  adlı sərgi keçirildi.

Sərginin açılışında tədris işləri üzrə direktor müavini Elvina Əhmədova çıxış edərək 1991-ci ilin oktyabrın 18-də Ali Sovetin sessiyasında Müstəqilliyimiz haqqında tarixi  sənədin qədul edilməsindən, 1993-cü ildə  ölkəmizdə ikinci dəfə hakimiyyətə qayıdışından sonra Ulu Öndər Heydər Əliyevin Azərbaycanin Müstəqilliyini əbədi və dönməz etməsindən danişdı.

Sonra  sərgi iştirakçıları məktəb şagirdlərinin sərgilədikləri rəsm əsərlərini seyr etdilər

 

Müəllimlər günü"nə  həsr olunmuş "Gələcəyimizi yetişdirənlər" adlı tədbir keçirilmişdir.

Bakı şəhər Mədəniyyət  Baş  İdarəsinin təşkilatçılığı ilə 5 oktyabr 2018-ci il tarixində  3 nömrəli  Uşaq İncəsənət Məktəbində "Müəllimlər günü"nə  həsr olunmuş  "Gələcəyimizi  yetişdirənlər"  adlı tədbir keçirilmişdir.

 

 

"Bilik günü" qeyd olundu.

"Bilik günü" Azərbaycan Respublikasının Prezidenti  İlham Əliyevin 21 avqust 2004-cü il tarixli  fərmanı ilə təsdiq olunmuş  və 15 sentyabr tarixində bütün təhsil müəssisələrində qeyd olunduğu kimi  Bakı Şəhər Mədəniyyət Baş İdarəsinin 3 nömrəli Uşaq İncəsənət Məktəbində də  qeyd olundu.

 

Məktəbin qarşısına təşrif  gətirmiş müəllim, valideyn və şagirdlər ilk öncə  hamılıqla Azərbaycan Dövlət Himnini ifa etdilər.

Sonra xanəndə sinfinin şagirdləri "İlk müəllimin" və  "Məktəb  illəri" mahnılarını,məktəbin "Dilbərim"  rəqs ansamblının  üzvləri  "Nazeləmə" və  "Hind rəqsini" ifa etdilər.

 

Sonda birinci sinifə qəbul olunmuş şagirdlərin ifasında "Birincilərik  biz"  mahnısı səsləndi və məktəb zənginin sədaları ilə 2018-2019-cu tədris ilinə qədəm qoyuldu.

 

1 iyun Uşaqların Beynəlxalq Müdafiəsi günü"nə həsr olunmuş konsert keçirilmişdi.

Bakı Şəhər Mədəniyyət Baş İdarəsinin 3 nömrəli Uşaq İncəsənət Məktəbində 26 may tarixində  Ümumi fənlər üzrə şöbə " 1 iyun Uşaqların Beynəlxalq Müdafiəsi günü"nə həsr olunmuş konsert keçirilmişdi.

Konsertin aparıcıları qeyd etdilər ki, bütün demokratik dövlətlərdə olduğu kimi Azərbaycan  Respublikasında  da bütünliklə  insan haqlarının qorunmasına xüsusi önəm verilir  və  uşaqların müdafiəsinə  qoşulmaq hamılıqla  hər kəsin  borcudur.

Sonra söz iştirakçılara verildi. Şagirdlər rəngarəng proqramla çıxış etdilər. Konsertdə  T.Quliyevin " Görüş"  kinofilminə bəstələdiyi  "Vals", A. Rzayevin "Düşüncə", S. Ələsgərovun "Rahatsızlıq "kimi əsərləri  ifa olundu.

Tədbirə  "Dilbərim" rəqs  qrupu  özbək rəqsi ilə rəng  qatdı.  Daha sonra Ulu Öndər H. Əliyevin körpələrə təbrik video lentinə baxıldı.

Son olaraq məktəbin direktoru   uşaqları  bu gözəl bayram münasibətilə təbrik etdi.

28 May Respublika gününə həsr olunmuş konsert proqramı təqdim edildi.

Bakı Şəhər Mədəniyyət Baş İdarəsinin 3 nömrəli Uşaq İncəsənət Məktəbində 24 may tarixində  orkestr alətləri şöbəsi və vokal ixtisası üzrə şagirdlər         28 May Respublika gününə həsr olunmuş konsert proqramı təqdim  etdilər.

Konsertdə Azərbaycan və xarici bəstəkarlarının əsərləri səsləndi.  Sonda məktəbin direktoru bu  gözəl bayramın əhəmiyyətindən danışıb, Azərbaycan dövlətinin günü-gündən çiçəkləndiyini vurğuladı və şagirdləri bu gözəl bayram münasibətilə  öz  tövhələrini verib, təbrik etdi.

23 may tarixində məktəbdaxili olimpiada keçirildi.

Bakı Şəhər Mədəniyyət Baş İdarəsinin 3 nömrəli Uşaq İncəsənət Məktəbində 23 may tarixində nəzəriyyə müəllimləri Hüseynova Ülkər və Talıbova Könülün təşkilatçılığı ilə yuxarı sinif şagirdlərinin məktəbdaxili olimpiadası keçirildi.

Azərbaycan musiqi ədəbiyyatı,ümumi musiqi ədəbiyyatı, Azərbaycan xalq yaradıcılığı, nəzəri və praktiki , intelektual  suallardan və musiqi nömrələrindən təşkil olunmuş 180 sual dörd komanda arasında cavablanaraq üç mərhələ üzrə oynanildı.

Birinci mərhələdə "Muğam" və"Caz" komandaları, ikinci mərhələdə "Klassika" və "Romantika" komandaları yarışdı. Üçüncü mərhələdə qalib çixmış "Muğam" və "Romantika" komandalarının yenidən yarışmaları "Romantika" komandasının qələbəsilə başa çatdı. 

Mərhələlər arası fasilələrdə xanəndə sinifinin şagirdi Bədəlov Rəvan  Zakir Bağırovun M. Ə. Sabirin sözlərinə bəstələdiyi "Oxutmuram əl çəkin" mahnısını, fortepiano sinifinin .şagirdi Vəliyeva Fatimə isə S. Prokofyevin  Prelüd  əsərini ifa etdi.

Ümumiyyətlə məktəbdaxili müsabiqə və olimpiadalar tək şagirdlərin bilik səviyyələrini yoxlamaq üçün deyil, məqsəd təhsilə marağın artırılması,daha istedadlı şagirdlərin aşkar edilməsi və ümumi pedaqoji əhval-ruhiyyənin daha da yüksəldilməsidir.

Arif Məlikovun 85 illik yubileyinə həsr olunmuş məruzə konsert keçirildi.

Bakı şəhər Mədəniyyət Baş İdarəsinin 3 nömrəli Uşaq İncəsənət Məktəbində 19 may tarixində   Dünya şöhrətli  bəstəkar , Əməkdar İncəsənət Xadimi, Xalq  Artisti, Dövlət Mükafatı  Laureatı, Milli  Elmlər Akademiyasının həqiqi üzvü  Arif Məlikovun 85 illik yubileyinə həsr olunmuş məruzə konsert keçirildi.

Tədbirin aparıcısı  nəzəriyyə müəllimi Səadət Qasımzadə bəstəkarın həyat və yaradıcılığı haqqında ətraflı məlumat verdi. O qeyd etdi ki, A. Məlikov yaradıcılığı parlaq istedad və özünəməxsusluğu ilə səciyyələnir.

Daha sonra  şagirdlər bəstəkarın  əsərlərdən ibarət konsert proqramı ilə çıxış etdilər. Konsertdə bəstəkarın “Məhəbbət əfsanəsi”  baletindən  “Türk qızların rəqsi”,  “Ulduzlar sönmür” kinofilmindən mahnı, prelüd, noktürn  kimi əsərləri  səsləndi.