Yeni İl və Dünya Azərbaycanlılarının Həmrəylik gününə həsr olunmuş sinif konserti keçirildi.

Bakı Şəhər Mədəniyyət və Turizm Baş İdarəsinin 3 nömrəli Uşaq İncəsənət Məktəbində 28 dekabr tarixində fortepiano şöbəsinin müəllimləri Roza Zairova və Ülviyyə Hüseynovanın Yeni İl və Dünya Azərbaycanlılarının Həmrəylik gününə həsr olunmuş sinif  konserti keçirildi.

Bayram əhval- ruhiyyəli tədbirdə şagirdlər azərbaycan və xarici bəstəkarların əsərlərini ifa etdi. Sonda şöbə müdiri Gültəkin Məmmədova  çıxış edərək tədbir iştirakçılarını, müəllimləri və valideynləri təşkil etdikləri bu gözəl bayram konserti  münasibətilə təbrik etdi və təşəkkürünü bildirdi.

 

T. Quliyevin 100 illik yubileyinə həsr olunmuş TKF şöbəsinin hazırladığı "Könül nəğmələri" adlı tədbir keçirildi.

Bakı Şəhəri Mədəniyyət və Turizm Baş İdarəsinin  3 nömrəli Uşaq İncəsənət Məktəbində 23 dekabr tarixində  görkəmli bəstəkar  pianoçu, dirijor, Xalq artisti Azərbaycan caz və estrada musiqisinin banilərindən biri  T. Quliyevin 100 illik yubileyinə həsr olunmuş  TKF  şöbəsinin  hazırladığı "Könül  nəğmələri"  adlı  tədbir keçirildi.

Tədbirin məruzəçisi fortepiano müəllimi R. Bağırova T. Quliyevin yaradıcılığı barədə geniş məlumat  verdi. Tədbir şagirdlərin "Bəxtiyar" kinofilmindən olan  mahnıların ifası ilə başladı.

Ümumi fortepiano şöbəsinin şagirdləri bəstəkarın "Cəmilənin albomu"  məcmuəsindən olan pyesləri ifa etdilər.  Daha sonra  bəstəkarın yaradıcılığına əbədilik gətirən məşhur mahnıları  şagirdlər tərəfindən  ifa olundu. 

120 illiyi qeyd olunan Şövkət Məmmədovaya həsr edilmiş tədbir keçirildi.

Bakı Şəhər Mədəniyyət və Turizm Baş İdarəsinin 3 nömrəli Uşaq İncəsənət Məktəbində 19 dekabr tarixində operamızın ilk qadın sənətkarlarından olan, opera səhnəmizdə biri-birindən gözəl obrazlar yaradan, bənzərsiz səsilə milyonların qəlbini fəth edən, bu günlərdə 120 illiyi qeyd olunan Şövkət Məmmədovaya həsr edilmiş tədbir keçirildi.

Xor müəllimi  S. Səlimova  ilk professional qadın opera ifaçısı haqqında ətraflı məlumat verməklə yanaşı Şövkət xanım haqqında  çəkilmiş sənədli filmi də nümayiş etdirdi.

Məktəbimizin vokal ixtisası üzrə şagirdləri də  A. Vivaldi, Hendel və  Qlinkanın əsərlərini ifa etdilər.

16.12.2017 ci ildə Yeni Azərbaycan Partiyası ilk təşkilatının məktəbdə yaradılmasının 20 illik yubiley tədbiri keçirildi.

Bakı Şəhər Mədəniyyət və Turizm Baş İdarəsinin  3 nömrəli Uşaq İncəsənət Məktəbində 16 dekabr tarixində Yeni Azərbaycan Partiyası ilk təşkilatının məktəbdə yaradılmasının 20 illik yubiley  tədbiri keçirildi.

Tədbir ilk öncə məktəbin xor kollektivin çıxışı ilə açıldı. Sonra bu 20 il ərzində təşkilat tərəfindən keçirilən tədbirlərin  sənədli film kimi tərtib edilmiş video görüntüsü nümayiş  edildi.

İlk Partiya təşkilatının sədri  fortepiano müəllimi Ağayeva Cəmilə Respublika üzrə YAP-ın  yaranmasının 25 illiyi haqqında və məktəbin təşkilatının 20 illik tarixindən danışdı.

Tədbirdə YAP Suraxanı rayonu təşkilatının qərargah sədri Fərman Rəsulov, Suraxanı YAP İdarə heyətinin üzvü  Vasif Rəhimov  iştirak edirdi.

O da öz çıxışında 3 nömrəli Uşaq İncəsənət Məktəbinin ilk təşkilatının istər rayon, istər şəhər üzrə  aktivliyini qeyd etdi. 

11 dekabr tarixində Ümummilli Liderin Heydər Əliyevin anım günü keçirildi.

Bakı Şəhər Mədəniyyət və Turizm Baş İdarəsinin 3 nömrəli Uşaq İncəsənət Məktəbində 11 dekabr  tarixində Ümummilli Liderin Heydər  Əliyevin anım günü keçirildi.

Tədbir 1 dəqiqəlik sükutlə Ulu Öndərin xatirəsini  yad etməklə başladı. Tədbirin aparıcısı fortepiano müəllimi C. Ağayeva Heydər Əliyev haqqında  filmin nümayişi ilə yanaşı Ulu Öndərin təhsilə və incəsənətə qayğısından ətraflı məlumat verdi.

T. Quliyevin 100 illik yubileyinə həsr olunmuş tədbir keçirildi.

Bakı şəhər Mədəniyyət və Turizm İdarəsinin 3 nömrəli Uşaq İncəsənət Məktəbində  28 noyabr 2017-ci il tarixində  Azərbaycan estrada musiqisinin yaradıcılarından biri , dahi bəstəkar T. Quliyevin  100 illik yubileyinə həsr olunmuş tədbir keçirildi.

 Tədbirin aparıcısı nəzəriyyə şöbəsinin müəllimi Ü.Hüseynova  bəstəkarın məhşur  əsəri "Bakı haqqında mahnı"nın  müşayətilə  T. Quliyevin  Azərbaycan  musiqisində özünəməxsus  iz qoymuş  ömür səhifəsindən söz açdı. O qeyd etdi ki, sənətdə ənənə yaratmaq hər sənətkara nəsib olmur. Bunun üçün təkcə fitri istedad azdır, gərək həm də yaşadığın dövrün ruhunu, tələbini duymaq bacarığına malik olasan.

T. Quliyev milli  mahnı üslubunun səciyyəvi xüsusiyyətlərini müəyyənləşdirmiş, bu janrda yeni bir mənsəb yaratmişdır. Bu səbəbdən də onun ruhunun, daxili aləminin əks -sədası olan mahnıları əbədilik qazanmışdır.

Tədbirdə bəstəkarın sevimli mahnılarından "Əziz dost", "İlk bahar", "Məzəli mahnı"  kimi əsərləri məktəbin şagirdləri tərəfindən ifa olundu. T. Quliyev  həm də bir çox kinofilmlərə musiqilər bəstələmişdir.

Tədbir boyu həmin filmlərdən  musiqili fraqmentlər göstərildi və şagirdlərin ifasında  səsləndi."Görüş", "Ögey ana", "Bəxtiyar"  kinofilmlərindən  səhnələr nümayiş olundu. Fortepiano şöbəsinin  şagirdləri "Cəmilənin albomu"  məcmuəsindən pyeslər ifa etdilər.

Tədbirin sonunda Ümummilli liderimiz Heydər Əliyevin   dahi bəstəkar haqqında söylədiyi xoş sözlər, yubiley konsertindən  çıxışı göstərildi.

Fortepiano şöbəsi şagirdləri Etüdlərdən ibarət konsert proqramı ilə çıxış etdi

Bakı Şəhər Mədəniyyət və Turizm Baş İdarəsinin  3 nömrəli Uşaq İncəsənət Məktəbində 15 noyabr 2017-ci il tarixində fortepiano şöbəsi  şagirdləri  Etüdlərdən  ibarət konsert proqramı ilə çıxış etdi.

 Konsertdə  M. Maşkovskiy, K. Çerni,A.Bertini, A. Lemuan, J. Dvernua  kimi məşur bəstəkarların tanınmış  konsert etüdlərı  ifa olundu.

Sahib Paşazadə ilə görüş keçirildi

Bakı şəhər Mədəniyyət  və Turizm Baş İdarəsinin 3 nömrəli Uşaq İncəsənət Məktəbində istedadlı tarzən, Respublikanın Əməkdar artisti ,beynəlxalq müsabiqələr laureatı, Azərbaycan Milli Konservatoriyasının  dosenti, F. Əmirov adına Xalq Çalğı alətləri orkestrinin konsertmeysteri, beynəlxalq muğam müsabiqəsini müşayət edən xalq çalğı alətləri ansamblının rəhbəri, prezident təqaüdçüsü Sahib Paşazadə ilə  görüş keçirildi.

İlk öncə məktəbin II sinif şagirdi   Bahar  Rəhimova  bəstəkar  Hacıbaba Həsənovun  "Tar çalan oğlan"  mahnısını  ifa etdi.Tədbirin aparıcısı  nəzəriyyə müəllimi T. Salamovanın maraqlı suallarına Sahib müəllimin ətraflı cavabları, özünün ifasında çalınan  əsərlər və muğamlar  məktəbin müəllim və şagird  kollektivi  tərəfindən  gur alqışlarla qarşılandı.

Sonda xatirə hədiyyələri verildi.

"Müəllim günü"nə həsr olunmuş tədbir keçirilmişdi

Bakı Şəhər Mədəniyyət və Turizm Baş İdarəsinin 3 nömrəli Uşaq incəsənət məktəbi    05  oktyabr   2017-ci il tarixində "Müəllim günü"nə  həsr olunmuş tədbir keçirildi.

 

Tədbirin aparıcısı T. Salamova Ulu Öndər Heydər Əliyevin müəllimlik peşəsi haqqında dediyi "Müəllim yeganə şəxsiyyətdir ki, cəmiyyət özünün gələcəyini, uşaqların tərbiyəsini yalnız ona etibar edir" - gözəl  kəlamıyla  açılış etdi. 

 

 Bu  fikir müəllimə verilmiş ən gözəl fikirdir. Doğrudan da, cəmiyyətin qurucusunu, onu idarə edənləri, fəhləni, mühəndisi, alimi, həkimi və s., - hər kəsi tərbiyə edən müəllimdir.

 

 Ona görə də müəllimlik ən şərəfli, məsuliyyətli,çətin və  müqəddəs peşədir. Daha sonra tədbirə qonaq qismində dəvət olunan məktəbin qocaman müəllimlərinə söz verildi.

 

 Sonda məktəbin şagirdlərinin hazırladığı bir-birindən maraqlı nömrələrlə zəngin konsert proqramı nümayiş olundu və  sərgiyə tamaşa keçirildi.

 

 

BMT-nin Baş Assambleyasının 72-ci sessiyasındakı çıxışının müzakirəsi ilə əlaqədar dəyirmi masa keçirilmişdir.

Bakı şəhəri Mədəniyyət və Turizm Baş İdarəsinin  3 nömrəli Uşaq İncəsənət Məktəbində 25 sentyabr 2017-ci il tarixində  Azərbaycan Respublikasının Prezidenti  Cənab İlham Əliyevin  BMT-nin Baş Assambleyasının 72-ci sessiyasındakı çıxışının müzakirəsi ilə əlaqədar dəyirmi masa keçirilmişdir.

 Tədbirdə məktəbin direktoru Dəyanət Quliyev və məktəbin YAP təşkilatının katibi C. Ağayeva çıxış etdilər.

 

 

"15 sentyabr - Bilik günü"- münasibətilə tədbir keçirilmişdi

"15 sentyabr - Bilik günü"- münasibətilə tədbir keçirildi. Azərbaycan Respublikasının Prezidenti İlham Əliyevin 21 avqust 2004-cü il tarixli fərmanı ilə Azərbaycanın bütün təhsil müəssisələrində 15 sentyabr "Bilik günü"  kimi qeyd olunur.

Tədbirin açılışısını məktəbin direktoru D.Quliyev edərək birinciləri müəllim və valideynləri bu   əlamətdar gün münasibəti    ilə təbrik etdi. Daha sonra birincilər şer və  mahnilarla çıxış  etdilər. Xanəndə şöbəsinin müəllimi  E.Vəliyeva  şagirdlərin ilk çıxışlarını müşayət edərək  onları təbrik etdi.