22 aprel tarixində Azərbaycan Xalq Cümhuriyyətinin 100 illik yubileyinə həsr olunmuş xor sinfinin konserti keçirildi.

Bakı şəhər Mədəniyyət və Turizm Baş İdarəsinin 3 nömrəli Uşaq İncəsənət Məktəbində 22 aprel tarixində Azərbaycan Xalq Cümhuriyyətinin 100 illik yubileyinə həsr olunmuş xor sinfinin konserti  keçirildi.

Tədbirin açılışını  nəzəriyyə şöbə müdiri B. Zairova  edərək qeyd etdi ki,   Azərbaycan prezidenti İlham Əliyevin imzaladığı  "Azərbaycan Xalq Cümhuriyyətinin  100 illik yubileyi haqqında"  sərəncamından irəli gələcək bu gözəl gün respublika və beynəlxalq səviyyədə  keçirilməkdədir.

Öz  çıxışında B.Zairova  nəzərə çatdırdı ki, məhz Şərqdə ilk parlamentli Respublika - Azərbaycan Xalq Cümhuriyyəti olmuşdur. Qədim və zəng dövlətçilik ənənələrinə malik Azərbaycan xalqı müəyyən dövrlərdə tarixin hökmü ilə böyük imperiyaların  tərkibinə qatılmaq məcburiyyətində qalıb.

Azərbaycan Xalq Cümhuriyyəti məhz dünyanın siyasi  nizamının yenidən  qurulduğu bir vaxtda 1918-ci il 28 mayda Azərbaycanın yaşadığı parlaq mədəni yüksəlişin məntiqi yekunu kimi meydana  çıxmışdır.

Daha sonra xor sinfi şagirdləri  Azərbaycana və  müstəqilliyimizə  həsr olunmuş konsert proqramı  təqdim etdilər. Konsertdə Ü. Hacıbəyov "Çağırış", "Çırpınırdı Qara dəniz", Z. Bağırov "Mən Azərbaycanlıyam", Q. Qarayev "Xoşbəxtlik" mahnısı kantatadan hissə, "Gənclik"  mahnısı , N. Əlivərdibəyov "Gül  bağçalar", Ciaro "İspan mahnısı" (rəqsi), A. Dadaşov "Əziz Vətən", Motsart "Dona novis", T. Cəbrayılov "Ey Vətən", "El oğlu", R. Hacıyev " Azərbaycan"  adlı   nömrələr səsləndirildi

19 aprel tarixində "Muğamlar və Rənglərin Vəhdəti" adlı musiqili kompozisiya təşkil edilmişdir.

Bakı şəhər Mədəniyyət və Turizm Baş İdarəsinin 3 nömrəli Uşaq İncəsənət Məktəbində 19 aprel tarixində "Muğamlar və Rənglərin Vəhdəti" adlı musiqili  kompozisiya  təşkil edilmişdir.

Tədbiri xalq çalğı alətləri şöbəsinin müəllimləri M. İsmayılov və  E. Vəliyeva  Bəxtiyar Vahabzadənin "Muğam" poemasından :
"Çox kitablar oxudum,zənn elədim bəxtiyaram,
 Mənə çox mətləbi ahəstəcə anlatdı muğam" 
misraları ilə açılış etdilər.

Tədbir zamanı gənc rəssamlar üçün xalq çalğı alətləri şöbəsinin şagirdlərinin ifasında "Rast" , "Şahnaz", "Bayatı-Şiraz", "Segah" muğamlarından, B. Vahabzadənin "Muğam"  poemasından parçalar səsləndirildi.

Gənc rəssamlar eşitdikləri ifaların təssuratı ilə düşüncələrini, anladıqlarını kağızda əks etdirirdilər. 

Bir incəsənət məktəbi olaraq  rəssamlarla  ifaçılarımızın bu səpkidə olan "simfonik muğamlar və rənglər", "Qərb bəstəkarlarının musiqiləri və rənglər"  adlı  silsilə  tədbirlər keçiriləcək, sonda çəkilmiş   əsərlərdən  "Rəssam, Muğamlarımım şəklini gəl çək, Muğamlar gözəldir, sən də  gözəl çək"  adlı sərgi keçiriləcək.

Tədbirin sonunda şagirdlərin ifasından ruhlanan xanəndə müəllimi Mütəllim Dəmirov "Çahargah" muğamını ifa etdi.

10 aprel tarixində Xalq artisti, Şöhrət ordenli Hacı Xanməmmədovun 100 illik yubileyinə həsr olunmuş tədbir keçirildi.

Bakı şəhər Mədəniyyət və Turizm Baş İdarəsinin 3 nömrəli Uşaq İncəsənət Məktəbində 10 aprel tarixində Xalq artisti, Şöhrət ordenli Hacı Xanməmmədovun  100 illik yubileyinə həsr olunmuş tədbir keçirildi.

Tədbirin aparıcısı nəzəriyyə müəllimi A. Axundova  bəstəkarın keçdiyi ömür yolu, yaratdığı əsərlər haqqında geniş məlumat verdi.

H. Xanməmmədov görkəmli bəstəkar, dirijor olduğu kimi, eyni zamanda təcrübəli pedaqoq idi. Onun professional  musiqi kadrlarının  tərbiyəsində  mühüm xidməti olmuşdur.

Daha sonra xalq çalğı alətləri şöbəsinin şagirdləri bəstəkarın məşhur  mahnılarindan ibarət konsert proqramı ilə  çıxış etdilər. Konsertdə bəstəkarın   "Yaşa könül", "Yadıma düşdü","Gözünə qurban", "Ceyran"  kimi xalq arasında geniş yayılmış mahnıları  səsləndirildi.

08.04.2018 ci tarixdə "Simfonik muğamlar rəssamların gözü ilə" adlı tədbir keçirildi.

Bakı şəhər Mədəniyyət və Turizm Baş İdarəsinin 3 nömrəli Uşaq İncəsənət Məktəbində aprelin 8  rəsm sinfinin şagirdləri ilə nəzəriyyə şöbəsinin şagirdlərinin birlikdə hazırladığı "Simfonik muğamlar rəssamların gözü ilə" adlı  tədbir keçirildi.

Tədbirdə Fikrət Əmirovun "Şur"  simfonik muğamının video  görüntüsü nümaiş edildi.  Rəsm sinfinin şagirdləri musiqiyə uyğun düşüncə və fikirlərini ağ kağız üzərində əks etdirirdilər.

Bu tədbirin keçirilməsində məqsəd: gənc rəssamların simfonik musiqini, simfonik muğamı düzgün qavramalarına kömək etməkdir