25 may 2017-ci il tarixində fortepiano şöbəsində R. Hüseynovanın şagirdləri gənc bəstəkar Orxan Lətifzadənin əsərlərindən ibarət sinif konserti təqdim etmişdilər

Bakı Şəhər Mədəniyyət və Turizm Baş İdarəsinin 3 nömrəli Uşaq incəsənət məktəbi  25 may  2017-ci il tarixində fortepiano şöbəsində R. Hüseynovanın şagirdləri gənc bəstəkar Orxan Lətifzadənin əsərlərindən ibarət sinif konserti təqdim etdilər.

Bəstəkarlıq fəaliyyətinə gənc  yaşlarından başlayan O. Lətifzadənin repertuarı  rəngarəng əsərlərdən ibarətdir.

Şagirdlər gənc bəstəkarın  etüdlərini, fortepiano üçün pyeslərindən "Payız nəfəsi", "Elegiya",  "Ayrılan yollar", "Duyğular", "Uşaq nəğməsi"  kimi əsərlərini ifa etdilər.

23 may 2017-ci il tarixində R. Behbudov adına Mahnı Teatrında "28 May Respublika günü" nə həsr olunmuş hesabat konserti keçirilmişdi.

Bakı Şəhər Mədəniyyət və Turizm Baş İdarəsinin 3 nömrəli Uşaq incəsənət məktəbi  23 may  2017-ci il tarixində R. Behbudov adına Mahnı Teatrında "28 May Respublika  günü" nə həsr olunmuş hesabat konserti keçirdi.

 

Konsertdə Bakı Şəhər Mədəniyyət və Turizm Baş İdarəsinin  rəisi V. Zeynalov və İdarənin bir sıra əməkdaşı iştirak edirdi.

Konsertin aparıcısı T. Salamova qonaqları salamladıqdan sonra  28 May Respublika  günü  haqqında  ətraflı məlumat verdi. Daha sonra  konsert proqramına keçid alındı.

 

3 nömrəli Uşaq incəsənət məktəbinin bütün şöbələrinin istedadlı şagirdləri şərq və qərb musiqisinin fəzadını əks etdirən musiqi nömrələri ilə çıxış etdilər.  

Gənc musiqiçilər  Nəfəsli alətlər orkestri,İnstrumental ansambl, skripkaçılar ansamblı. "Şənlik" rəqs ansamblı,  solo ifalarda isə  fortepiano , skripka, vokal, xanəndə, valtorna, tarda belə nömrələri  təqdim etdilər.

 

İştirakçılar arasında  bir sıra Beynəlxalq və Respublika müsabiqələri laureatları var idi. Sonda Bakı Şəhər Mədəniyyət və Turizm Baş İdarəsinin  rəisi V. Zeynalov bütün iştirakçıları səhnəyə dəvət edərək, onları maraqlı çıxışlarına görə  təbrik etdi, məktəbin direktoru  D. Quliyev və onun timsalında bütün təşkilatçılara öz  təşəkkürünü  bildirdi.

 

 

 

 

18.05.2017 ci il tarixində Xalq artisti, bəstəkar S. Rüstəmovun 110 illik yubileyi qeyd olunmuşdu.

Dilinin  dünyaviliyinə, bəşəri mahiyyətinə görə digər  incəsənət növləri arasında  xüsusi yer  tutan musiqini  özlərinə peşə  obyekti seçən  sənətkarlarımızdan olan,   yüksək peşə məharəti ilə diqqət  mərkəzində olan , istər sağlığında, istərsə də  dünyasını dəyişəndən sonra müntəzəm olaraq xatırlanan, xalqın iftixarına  çevrilən Xalq artisti, bəstəkar  S. Rüstəmovun 110 illik  yubileyi Bakı Şəhər Mədəniyyət və Turizm Baş İdarəsinin 3 nömrəli Uşaq incəsənət məktəbində  18  may  tarixində   qeyd olundu.

 

Tədbirdə bəstəkarın tar ilə  orkestr üçün  bəstələdiyi   konsert, operettalarından fraqmentlər  və mahnıları xalq çalğı alətləri şöbəsi  şagirdlərinin ifasında  tamaşaçılara  təqdim  olundu.

 

 

16 may 2017-ci il tarixində "Əziz müəllimlər, bu bizim Sizə son tövhəmiz" adlı konsert keçirilmişdi

Bakı Şəhər Mədəniyyət və Turizm Baş İdarəsinin 3 nömrəli Uşaq incəsənət məktəbində  16 may  2017-ci il tarixində  "Əziz  müəllimlər, bu bizim Sizə son tövhəmiz"   adlı konsert   keçirildi.  

 

Konsertdən əvvəl  fortepiano şöbəsinin məktəbdaxili müsabiqəsinin qalibləri mükafatlandırıldı. Konsertdə 3 nömrəli Uşaq incəsənət məktəbi və Qobustan rayon Təklə kənd  Uşaq musiqi  məktəbinin buraxılış sinif şagirdləri iştirak  edirdilər.   

 

Bu iki musiqi məktəbinin birgə  konsertləri uzun illərin əməkdaşlığının nəticəsidir ki,  hər il ya Bakıda və ya da Qobustanda şagird və valideynlər qarşısında nümayiş etdirilir.

 

Sonda məktəb direktorları Dəyanət Quliyev  və Gülağa  Cəbrayılov   şagirdləri təbrik edib, qarşıda gələn imtahanlarda uğurlar arzuladılar və iştirakçılara hədiyyələr  təqdim edildi.

 

 

11 may 2017-ci il tarixində Ulu öndər Heydər Əliyevin anadan olmasının 94-cü ildönümünə həsr olunmuş növbəti tədbir keçirilmişdi

Bakı Şəhər Mədəniyyət və Turizm Baş İdarəsinin 3 nömrəli Uşaq incəsənət məktəbində  11 may  2017-ci il tarixində Ulu öndər Heydər Əliyevin anadan olmasının 94-cü ildönümünə həsr olunmuş növbəti tədbir keçirildi.

Bu tədbirdə ümumi fortepiano müəllimi Atakişiyeva Esmiralda sinif konserti ilə çıxış etdi.

Tar, kamança,nağara, qarmon ixtisaslarında təhsil alan şagirdlər fortepianoda  hərəsi iki - üç  musiqi əsəri ifa etməklə müəllim və  valideynləri qarşısında çıxış etdilər.

10 may 2017-ci il tarixində Ulu öndər Heydər Əliyevin anadan olmasının 94-cü ildönümünə həsr olunmuş "Zəngin nəzəri irs qoymuş dahi" adlı növbəti tədbir keçirilmişdir.

Bakı Şəhər Mədəniyyət və Turizm Baş İdarəsinin 3 nömrəli Uşaq incəsənət məktəbində  10 may  2017-ci il tarixində  Ulu öndər Heydər Əliyevin anadan olmasının 94-cü ildönümünə  həsr olunmuş "Zəngin nəzəri irs qoymuş dahi"  adlı  növbəti tədbir keçirilmişdir.

 

Aparıcı nəzəriyyə müəllimi Salamova Təranə bu dəfə məruzəsində Heydər Əliyevin Azərbaycan təhsilinə verdiyi önəm və təhsilin inkişafı üçün  gördüyü  böyük işlərdən danışdı .  

Məruzə zamanı  Ümummilli Lider haqqında  video görüntülər də nümayiş etdirildi. Sonra məktəb şagirdləri rəngarəng konsert proqramı ilə çıxış edib, Azərbaycan və qərb bəstəkarlarının əsərlərini ifa etdilər.

29 aprel 2017-ci il tarixində Avstriya bəstəkarı Frans Piter Şubertin 220 illik yubileyinə həsr olunmuş tədbir keçirilmişdi

Bakı Şəhər Mədəniyyət və Turizm Baş İdarəsinin 3 nömrəli Uşaq incəsənət məktəbində 29 aprel 2017-ci il tarixində  Avstriya bəstəkarı  Frans Piter   Şubertin  220 illik yubileyinə həsr olunmuş  tədbir keçirildi.

 

Tədbirin açılışını nəzəriyyə müəllimi S.Qasımzadə edərək , dahi bəstəkarın həyat və yaradıcılığı  haqqında   geniş məlumat verdi.

O qeyd etdi ki,  F.P.Şubert Vyana  musiqi məktəbinin ən görkəmli nümayəndələrindən  və musiqidə  romantizmin  banilərindən biri hesab edilir.

 

Bəstəkar 600 yaxın mahnı, 8 simfoniya, məşhur "Tamamlanmamış simfoniya", opera, çox  sayda kamera və solo  piano əsərlərinin müəllifidir.

 

 F.List  Şuberti "Bütün dövrlərin ən poetik musiqiçisi" adlandırılmışdır. Tədbir boyunca  bəstəkarın  həyat və yaradıcılığına aid  filmdən parçalar  nümayiş olundu.

 

Sonda  fortepiano və orkestr  alətləri  şöbələrinin   şagirdləri  dahi bəstəkarın yaradıcılığından olan musiqi nömrələrini səsləndirdi.

 

27 aprel 2017- ci il tarixində tar müəllimi Məmmədağa Haqverdiyevin sinif konserti keçirilmişdi

Bakı Şəhər Mədəniyyət və Turizm Baş İdarəsinin 3 nömrəli Uşaq incəsənət məktəbində 27 aprel 2017- ci il tarixində tar müəllimi Məmmədağa Haqverdiyevin sinif konserti keçirildi.

Konsert xalqımızın böyük oğlu Əziz Əliyevin ailəsində dünyaya göz açmış,ümummilli liderimiz Heydər Əliyevin ömür-gün yoldaşı, akademik Zərifə Əliyevanın anadan olmasının 94-cü ildönümünə həsr edilmişdi.

Tədbirin əvvəlində nəzəriyyə müəllimi Salamova Təranə yüzlərlə insanın gözlərinə nur vermiş, dünya şöhrətli oftalmoloq Zərifə Əliyevanın keçdiyi ömür yolundan danışaraq alim haqqında çəkilmiş filmi nümayiş etdirdi.

Sonra tədbirdə Sevil Əliyevanın "Ana" mahnısı, Üz. Hacıbəylinin,F.Əmirovun , Q.Qarayevin, S. Ələsgərovun və s.. bəstəkarların musiqiləri  M. Haqverdiyevin şagirdlərinin ifasında tamaşaçılara təqdim edilmişdi.

12.04.2017 ci il tarixində fortepiano şöbəsində II-VI siniflər üzrə məktəbdaxili müsabiqə keçirilmişdi

12  aprel  tarixində Bakı Şəhər Mədəniyyət və Turizm Baş İdarəsinin 3 nömrəli Uşaq  İncəsənət Məktəbində fortepiano şöbəsində II-VI  siniflər üzrə məktəbdaxili  müsabiqə keçirildi.

 

Müsabiqədə  klassik  bəstəkarlarla yanaşı müasir bəstəkarların da əsərləri ifa olundu. Sonda münsiflər heyəti siniflər  üzrə yerləri müəyyənləşdirdi, 13 aprel tarixində  qaliblərə  fəxri  fərmanlar  təltif  olunmuşdur.

 

 

13.04.2017 ci il tarixində Rauf Hacıyevin anadan olmasının 95 illiyinə həsr olunmuş məruzə-konsert keçirilmişdi

13  aprel  tarixində Bakı Şəhər Mədəniyyət və Turizm Baş İdarəsinin 3 nömrəli Uşaq  İncəsənət Məktəbində  bəstəkar Rauf Hacıyevin anadan olmasının  95 illiyinə həsr olunmuş məruzə-konsert keçirildi.

Tədbirdə  nəzəriyyə müəllimi M.Qafarova bəstəkarın həyat və yaradıcılığından ətraflı məlumat verdi.  

Fortepiano  şagirdlərin ifasında  "Əlcəzair mahnıları"  məcmuəsindən pyeslər, xor kollektivinin ifasında  bəstəkarın  kinofilmlərə  bəstələdiyi  mahnılar  səslənmişdi.

01 aprel 2017-ci il tarixində Narkomaniyaya qarşı mövzusunda “İradəsizlik! Zəiflik! Bir anlıq təslim!” adlı məruzə-sərginin açılışı keçirilmişdi

01 aprel 2017-ci il tarixində Bakı Şəhər Mədəniyyət və Turizm Baş İdarənin     3 nömrəli Uşaq İncəsənət Məktəbində Narkomaniyaya qarşı mövzusunda    “İradəsizlik!  Zəiflik!  Bir anlıq təslim!”  adlı məruzə-sərginin açılışı keçirildi.

 

Sərginin açılışını E. Əhmədova edərək qeyd etdi ki, hər il bu mövzuda keçirilən tədbirlər, sərgilər artıq Bakı Şəhər Mədəniyyət və Turizm Baş İdarəsinin  göstərişi ilə ənənə halını alıb.

 

Bu mübarizənin aparılmasında, gənclərimizin bu mövzuda maarifləndirilməsində, bu  bəlayə qarşı təbliğatın gücləndirilməsində hər birimiz əl-ələ verməliyik  deyə o, qeyd etdi.

 

Daha  sonra gələcək gənc nəsli təmsil edən rəsm şagirdlərinin gözü ilə əsrimizin bəlası sayilan, iradəsizlik, zəiflik, bir anlıq təslimlə gənclərimizi  zəhərləyən bu ağ ölümün kağız üzərində təsvirinin yer aldığı sərgiyə tamaşa edildi.    

 

31 Mart Azərbaycanlıların soyqırımı" günü qeyd edilmişdi

30 mart tarixində Bakı Şəhər Mədəniyyət və Turizm Baş İdarəsinin 3 nömrəli Uşaq  İncəsənət Məktəbində "31 Mart Azərbaycanlıların  soyqırımı"  günü qeyd edildi.

 

Tədbirin təşkilatçıları müəllim Məlikova Könül və İsmayılzadə Səbinə tədbir məkanının tərtibatını zövqlə təşkil etmiş və 31 Mart  gününə uyğun musiqi nömrələri nümayiş etdirmişlər.

 

Nümayiş olunan  filmdə Ulu öndər Heydər Əliyevin çıxışı təqdim edildi. Rəsm şöbəsinin  şagirdləri də öz  əl işlərilə bu tədbirdə iştirak etmişlər.