1 iyun Uşaqların Beynəlxalq Müdafiəsi günü"nə həsr olunmuş konsert keçirilmişdi.

Bakı Şəhər Mədəniyyət Baş İdarəsinin 3 nömrəli Uşaq İncəsənət Məktəbində 26 may tarixində  Ümumi fənlər üzrə şöbə " 1 iyun Uşaqların Beynəlxalq Müdafiəsi günü"nə həsr olunmuş konsert keçirilmişdi.

Konsertin aparıcıları qeyd etdilər ki, bütün demokratik dövlətlərdə olduğu kimi Azərbaycan  Respublikasında  da bütünliklə  insan haqlarının qorunmasına xüsusi önəm verilir  və  uşaqların müdafiəsinə  qoşulmaq hamılıqla  hər kəsin  borcudur.

Sonra söz iştirakçılara verildi. Şagirdlər rəngarəng proqramla çıxış etdilər. Konsertdə  T.Quliyevin " Görüş"  kinofilminə bəstələdiyi  "Vals", A. Rzayevin "Düşüncə", S. Ələsgərovun "Rahatsızlıq "kimi əsərləri  ifa olundu.

Tədbirə  "Dilbərim" rəqs  qrupu  özbək rəqsi ilə rəng  qatdı.  Daha sonra Ulu Öndər H. Əliyevin körpələrə təbrik video lentinə baxıldı.

Son olaraq məktəbin direktoru   uşaqları  bu gözəl bayram münasibətilə təbrik etdi.

28 May Respublika gününə həsr olunmuş konsert proqramı təqdim edildi.

Bakı Şəhər Mədəniyyət Baş İdarəsinin 3 nömrəli Uşaq İncəsənət Məktəbində 24 may tarixində  orkestr alətləri şöbəsi və vokal ixtisası üzrə şagirdlər         28 May Respublika gününə həsr olunmuş konsert proqramı təqdim  etdilər.

Konsertdə Azərbaycan və xarici bəstəkarlarının əsərləri səsləndi.  Sonda məktəbin direktoru bu  gözəl bayramın əhəmiyyətindən danışıb, Azərbaycan dövlətinin günü-gündən çiçəkləndiyini vurğuladı və şagirdləri bu gözəl bayram münasibətilə  öz  tövhələrini verib, təbrik etdi.

23 may tarixində məktəbdaxili olimpiada keçirildi.

Bakı Şəhər Mədəniyyət Baş İdarəsinin 3 nömrəli Uşaq İncəsənət Məktəbində 23 may tarixində nəzəriyyə müəllimləri Hüseynova Ülkər və Talıbova Könülün təşkilatçılığı ilə yuxarı sinif şagirdlərinin məktəbdaxili olimpiadası keçirildi.

Azərbaycan musiqi ədəbiyyatı,ümumi musiqi ədəbiyyatı, Azərbaycan xalq yaradıcılığı, nəzəri və praktiki , intelektual  suallardan və musiqi nömrələrindən təşkil olunmuş 180 sual dörd komanda arasında cavablanaraq üç mərhələ üzrə oynanildı.

Birinci mərhələdə "Muğam" və"Caz" komandaları, ikinci mərhələdə "Klassika" və "Romantika" komandaları yarışdı. Üçüncü mərhələdə qalib çixmış "Muğam" və "Romantika" komandalarının yenidən yarışmaları "Romantika" komandasının qələbəsilə başa çatdı. 

Mərhələlər arası fasilələrdə xanəndə sinifinin şagirdi Bədəlov Rəvan  Zakir Bağırovun M. Ə. Sabirin sözlərinə bəstələdiyi "Oxutmuram əl çəkin" mahnısını, fortepiano sinifinin .şagirdi Vəliyeva Fatimə isə S. Prokofyevin  Prelüd  əsərini ifa etdi.

Ümumiyyətlə məktəbdaxili müsabiqə və olimpiadalar tək şagirdlərin bilik səviyyələrini yoxlamaq üçün deyil, məqsəd təhsilə marağın artırılması,daha istedadlı şagirdlərin aşkar edilməsi və ümumi pedaqoji əhval-ruhiyyənin daha da yüksəldilməsidir.

Arif Məlikovun 85 illik yubileyinə həsr olunmuş məruzə konsert keçirildi.

Bakı şəhər Mədəniyyət Baş İdarəsinin 3 nömrəli Uşaq İncəsənət Məktəbində 19 may tarixində   Dünya şöhrətli  bəstəkar , Əməkdar İncəsənət Xadimi, Xalq  Artisti, Dövlət Mükafatı  Laureatı, Milli  Elmlər Akademiyasının həqiqi üzvü  Arif Məlikovun 85 illik yubileyinə həsr olunmuş məruzə konsert keçirildi.

Tədbirin aparıcısı  nəzəriyyə müəllimi Səadət Qasımzadə bəstəkarın həyat və yaradıcılığı haqqında ətraflı məlumat verdi. O qeyd etdi ki, A. Məlikov yaradıcılığı parlaq istedad və özünəməxsusluğu ilə səciyyələnir.

Daha sonra  şagirdlər bəstəkarın  əsərlərdən ibarət konsert proqramı ilə çıxış etdilər. Konsertdə bəstəkarın “Məhəbbət əfsanəsi”  baletindən  “Türk qızların rəqsi”,  “Ulduzlar sönmür” kinofilmindən mahnı, prelüd, noktürn  kimi əsərləri  səsləndi.

15 may tarixində Azərbaycan Cümhuriyyətinin 100 illiyinə həsr edilmiş "Mənim Vətənim Qürur Mənbəyimdir" adlı sərgi və konsert keçirildi.

Bakı şəhər Mədəniyyət Baş İdarəsinin 3 nömrəli Uşaq İncəsənət Məktəbi "Atəşgah məbədi" Dövlət tarix-memarlıq qoruğunda 15 may tarixində Azərbaycan Cümhuriyyətinin 100 illiyinə həsr edilmiş "Mənim Vətənim Qürur Mənbəyimdir"  adlı  şagirdlərin əl  işlərindən ibarət sərgi  və konsert  keçirildi.

Sərgidə müxtəlif üsullarla işlənmiş rəsmlər buraxılış sinif  şagirdlərinin  imtahan işləri nümayiş etdirildi. Sərgini nəzəriyyə müəllimi T.Salamova Şərqdə yaranmış ilk  demokratik respublika haqqında  məlumatla açmış,

Suraxanı rayon İcra aparatının siyasi ictimai və humanitar işlər şöbəsinin müdiri Barxudar Barxudarov,  Qoruğun direktoru Rəşid Babai   çıxış etdilər.

Tədbirdə  Rəssamlar İttifaqının üzvü  Seyran Kamilov da  iştirak edirdi. Məktəbin nəfəsli alətlər orkestri xorla birlikdə  C.Verdinin "Aida" operasından marş , "Dilbərim" rəqs kollektivin qızları "Qaytağı" rəqsini, nağaraçalanlar ansamblı "Azərbaycan ritmləri"ni  ifa etdilər. "Nur" skripkaçalanlar ansamblı isə  sərginin nümayişi müddətində rəngarəng əsərlər ifa etmişlər.

14 may tarixində II-VI sinif şagirdləri arasında məktəbdaxili müsabiqə keçirildi.

Bakı şəhərı  Mədəniyyət Baş İdarəsinin  3 nömrəli Uşaq İncəsənət Məktəbində 14 may tarixində tədrisin keyfiyyətinin şagirdlərdə ixtisaslarına marağın artırması  məqsədilə fortepiano şöbəsinin II-VI  sinif şagirdləri arasında məktəbdaxili  müsabiqə keçirildi.

Müsabiqədə K. Çerni,Qermer, A. Leşqorn, O. Kavina kimi bəstəkarların etüdləri üzrə şagirdlər öz texniki imkanlarını nümayiş etdirdi.Həmçinin müsabiqədə Q. Qarayev, A. Zeynallı, O. Rəcəbov,  F. Əmirov, S. Ələsgərov, F. Şopen, E. Qriq kimi bəstəkarların pyesləri ifa olundu.

Müsabiqədən sonra  münsiflər  heyəti şagirdlərin ifalarını yerlərə  görə diplom və fəxri fərmanlarla qiymətləndirdi.

01 may tarixində Ulu Öndərin anadan olmasının 95 illiyinə həsr olunmuş "Mən Azərbaycanlıyam" adlı tədbir keçirildi

Bakı şəhər Mədəniyyət və Turizm Baş İdarəsinin 3 nömrəli Uşaq İncəsənət Məktəbi Suraxanı rayon Heydər Əliyev Mərkəzi ilə birgə   01 may tarixində Ulu Öndərin anadan olmasının 95 illiyinə həsr olunmuş  "Mən Azərbaycanlıyam"  adlı tədbir keçirdi.  

 

Konsertdə şagirdlərin ifası zamanı H. Əliyevin  mədəniyyət və incəsənət  xadimləri ilə uşaq və yeniyetmələrlə görüşlərinin video görüntüləri nümayiş edilirdi.

Bu yubiley gücəsində Bakı şəhər Mədəniyyət və Turizm Baş İdarəsinin rəisi cənab Vüqar Zeynalov  və  İdarənin işçiləri, Suraxanı rayon İcra Hakimiyyəti Başçısının birinci müavini Rəşad Hacıyev və İcra nümayəndələri, Suraxanı rayon YAP - sədri  Vüqar Seidov və heyət üzvləri,  musiqi məktəblərinin direktorları, Suraxanı rayon ümumtəhsil məktəblərinin direktorları, Suraxanı rayon Mədəniyyət evləri, klubları və kitabxana müdirləri  iştirak edirdilər.

 

Məktəbin xor kollektivinin ifasında H.Əliyevə ithaf  olunmuş   "Ey Vətən" və "Mən Azərbaycanlıyam", skripkaçalanlar ansamblın ifasında Milkusun "Don Kixot"  baletindən Mersedesin rəqsi, xalq çalğı alətləri ansamblın ifasında  V.Adıgözəlovun "Bayram süitası",  şagirdlərin ifasında səslənən  Q.Qarayevin, A.Məlikovun, H.Vəkilovun,Listin, Şopenin, Debüsinin əsərləri tamaşaçıların tərəfindən çox rəğbətlə qarşılandı.

 

Tədbirin sonunda cənab Vüqar Zeynalov məktəbin müəllim və şagird kollektivini təbrik etdi və  cənab Vüqar Seidovla birlikdə   bir neçə şagirdimizə fəxri fərman təqdim etdilər.